The SZMC Opens its Doors

شیخ زید میڈیکل کالج رحیم یار خان میں “معرکۂ حق، بنیانٌ مرصوص” کی پہلی سالگرہ کی تقریب منعقد

شیخ زاید میڈیکل کالج رحیم یار خان میں آج “معرکۂ حق، بنیانٌ مرصوص” کی پہلی سالگرہ کے سلسلہ میں ایک پروقار اور حب الوطنی سے بھرپور تقریب کا انعقاد کیا گیا۔ تقریب میں طلبہ، اساتذہ، ڈاکٹرز، نرسنگ اور الائیڈ ہیلتھ سائنسز کے طلبہ و طالبات نے بھرپور شرکت کی۔

تقریب کے مہمانِ خصوصی چودھری اقبال حفیظ چئیرمین بورڈ آف مینجمنٹ تھے جبکہ اعزازی مہمان ڈاکٹر مسعود جہانگیر والد محترم کیپٹن حسین جہانگیر شہید تھے۔ تقریب کا آغاز قومی ترانے سے کیا گیا، جس کے بعد پاکستان کے پرچم کے رنگوں سے مزین غبارے فضا میں چھوڑے گئے۔ اس موقع پر شرکاء نے وطن عزیز سے محبت اور قومی یکجہتی کے عزم کا اظہار کیا۔

تقریب میں ایم بی بی ایس، نرسنگ اور الائیڈ ہیلتھ سائنسز کے طلبہ و طالبات نے ملی نغموں، تقاریر اور جذباتی اظہارِ خیال کے ذریعے شہداء اور افواجِ پاکستان کو بھرپور خراجِ تحسین پیش کیا۔ مقررین نے “معرکۂ حق، بنیانٌ مرصوص” کی قومی اہمیت اور نوجوان نسل کے کردار پر روشنی ڈالی۔

اعزازی مہمانِ ڈاکٹر مسعود جہانگیر نے اپنے خطاب میں شہداء کی قربانیوں کو قوم کا عظیم سرمایہ قرار دیتے ہوئے کہا کہ نوجوان نسل کو وطن کی خدمت، اتحاد اور قومی سلامتی کے لیے اپنا کردار ادا کرنا چاہیے۔

اس موقع پر چیئرمین بورڈ آف مینجمنٹ چوھدری محمد اقبال حفیظ، ملک ساجد فیروز ممبر بورڈ آف مینجمنٹ اور پروفیسر محمد سلیم لغاری پرنسپل شیخ زید میڈیکل کالج نے بھی خطاب کیا۔ مقررین نے قومی اتحاد، حب الوطنی اور تعلیمی اداروں میں مثبت سرگرمیوں کی اہمیت پر زور دیا۔
طلبا میں سے ارباز حسن، صبیح قیصر خلجی، لائبہ جبار، روحابہ جمیل،اور اریشہ مسکان نے خون گرما دینے والے کلمات سے بھرپور خیالات کا اظہار کیا۔
تقریب کے اختتام پر پہلی سالگرہ کا کیک کاٹا گیا جبکہ شرکاء نے پاکستان کی ترقی، استحکام اور شہداء کے درجات کی بلندی کے لیے خصوصی دعا بھی کی۔ اس پروقار تقریب میں ڈاکٹر آسیہ حسین، علیشہ جیلانی اور فاطمہ رانجھا نے باوقار انداز میں کمپیئرنگ کی۔

Thalassemia Awareness Walk in connection with World Thalassemia Day 8th May 2026.

رحیم یار خان: شیخ زید ہسپتال میں عالمی یومِ دمہ کے حوالے سے آگاہی واک، شجرکاری اور ماہرین کی خصوصی گفتگو
**رحیم یار خان** – شیخ زید میڈیکل کالج و ہسپتال کے شعبہ پلمونالوجی کے زیرِ اہتمام عالمی یومِ دمہ (World Asthma Day) کے سلسلے میں ایک خصوصی تقریب کا انعقاد کیا گیا۔ اس تقریب کی قیادت پرنسپل **پروفیسر ڈاکٹر محمد سلیم لغاری**، ایم ایس **ڈاکٹر عامر محمود بخاری** اور سربراہ شعبہ پلمونالوجی **ڈاکٹر عمران بشیر** نے کی۔
آگاہی واک کا آغاز باقاعدہ طور پر **شعبہ پلمونالوجی** سے ہوا، جو ہسپتال کے مختلف راستوں سے ہوتی ہوئی **آؤٹ ڈور (OPD)** پر اختتام پذیر ہوئی۔ آؤٹ ڈور پہنچنے پر ماہرینِ طب نے وہاں موجود مریضوں اور ان کے لواحقین کو دمہ کے مرض سے متعلق تفصیلی معلومات فراہم کیں۔ اس موقع پر ڈاکٹرز نے دمہ کے حوالے سے معاشرے میں پھیلی ہوئی **غلط فہمیوں اور توہمات (Myths)** کو بھی دور کیا۔ ماہرین نے واضح کیا کہ دمہ کوئی لاعلاج مرض نہیں ہے اور بروقت تشخیص و علاج سے مریض معمول کی زندگی گزار سکتا ہے۔ خاص طور پر انہیلر کے استعمال کے حوالے سے پائے جانے والے خوف کو دور کرتے ہوئے بتایا گیا کہ یہ علاج کا بہترین اور براہِ راست طریقہ ہے۔
تقریب کے آخر میں ہسپتال کے احاطے میں شجرکاری بھی کی گئی۔ ڈاکٹر محمد سلیم لغاری ،ڈاکٹر عامر محمود بخاری اور ڈاکٹر عمران بشیر نے پودا لگا کر مہم کا آغاز کیا اور اس بات پر زور دیا کہ ماحول کو آلودگی سے پاک رکھنا ہی سانس کی بیماریوں کا پائیدار حل ہے۔ اس تقریب میں ڈاکٹرز، پیرا میڈیکل سٹاف ،میڈیکل سٹوڈنٹس اور عوام کی بڑی تعداد نے شرکت کی۔